Tilgangur foreldrafélagsins er að stuðla að samvinnu og auknum tengslum milli foreldra og leikskólans.
Foreldrafélagið sér um að innheimta félagsgjöld á haust- og vorönn.
Myndast hefur hefð fyrir því að félagið sér um vissa afþreyingarþætti starfsins, s.s. leikssýningu í desember, að jólasveinninn mæti á jólaball með smá glaðning fyrir börnin, sveitaferð að vori sem farin er á laugardegi svo að sem flestir foreldrar geti farið með börnum sínum, og kaup á rósum fyrir útskrift elstu barna.
Einnig hefur félagið gefið pening til ráðstöfunar fyrir hverja deild til að gera sér dagamun á sumrin.
STARFSREGLUR
1. gr.
Félagið heitir Foreldrafélag Engjaborgar.
2. gr.
Heimili félagsins er leikskólinn Engjaborg, Reyrengi, 112 Reykjavík.
3. gr.
Tilgangur og markmið foreldrafélagsins er að stuðla að velferð barna á leikskólanum Engjaborgar.
4.gr.
Tilgangi sínum hyggst félagið ná með því að: a) Vinna að aukinni samvinnu foreldra og starfsfólks og svo foreldra innbyrðis um starfsemi og aðbúnað leikskólans. b) Leggja hagsmunum barna lið bæði innan leikskólans og út á við. c) Standa fyrir fræðslu og uppákomum fyrir foreldra og börn.
5. gr.
Félagar eru foreldrar og forráðamenn barna á leikskólanum Engjaborgar.
6.gr.
Stjórn félagsins skal skipuð 8 félagsmönnum, a.m.k. 1 fulltrúa frá hverri deild ásamt einum fulltrúa leikskólans, auk varamanna. Kosning stjórnar skal fara fram á aðalfundi. Stjórnin skiptir sjálf með sér verkum sem eru formaður, gjaldkeri, ritari og meðstjórnendur. Stjórnarmenn skal kjósa árlega en minnst 3 fulltrúar eldri stjórnar skulu sitja annað tímabil. Daglega umsjón félagsins annast formaður og fulltrúi leikskólans. Fundarritun er í höndum ritara félagsins. Stjórn félagsins hefur forgöngu um alla vinnu við starfsemi þess. Val verkefna og vinna stjórnarmanna og annarra félagsmanna skal vera innan ramma markmiða félagsins og að því marki sem ákvarðana aðalfundar nýtur við. Formaður boðar stjórnarmenn á stjórnarfundi hvenær sem þurfa þykir, að jafnaði mánaðarlega.
7.gr.
Starfstímabil félagsins er frá september til september. Aðalfund skal halda í september ár hvert og skal boða til hans með auglýsingu með minnst viku fyrirvara. Aðeins félagsmenn mega vera þátttakendur í aðalfundi.
Dagskrá aðalfundar skal vera þessi:
- Skýrsla um starfsemi félagsins á liðnu ári
- Reikningar félagsins
- Kosning til stjórnar og foreldraráðs
- Breytingar á starfsreglum
- Ákvörðun félagsgjalda
- Önnur mál
8.gr.
Félagsgjalda er ákveðið á aðalfundi og greiðist tvisvar sinnum á ári. Gjaldið rennur í sjóð sem stendur straum af kostnaði við starfsemi félagsins. Gjaldkeri félagsins ber ábyrgð á sjóðnum.
9.gr.
Rekstrarafgang af starfsemi félagsins skal nýta skv. tilgangi og markmiðum félagsins og skal leitast við að nýta tekjur innan starfsársins þannig að lágmarkssjóður flytjist á milli ára.
10.gr.
Tillögur til breytinga á starfsreglum verða að hafa borist stjórn skriflega fyrir auglýstan fund. Breytingar á starfsreglum ná því aðeins fram að ganga að 2/3 fundarmanna greiði þeim atkvæði.
Í stjórn foreldrafélagsins eru:
Sara mamma Berglindar Svövu á Norðurengi og Brimars Steins á Suðurengis.
Jóhanna mamma Katrínar Eyju á Norðurengi.
Kristín Freyja mamma Kristínar Freyju á Norðurengi og Benidikts Loga á Suðurengi.
Þuríður Ásta mamma Brynju Bjargar og Austurengi og Óðis Vála á Suðurengi.